Астана Әбу-Даби қаласында өткен Middle East International Medical Tourism Congress & Fair (MIMTC 2025) халықаралық мамандандырылған көрмесіне қатысты. Бұл қатысу Қазақстан астанасын халықаралық аренада медициналық туризмнің болашағы зор бағыты ретінде ілгерілетудің маңызды қадамы болды.

Көрме медицина мекемелерін, туристік агенттіктерді, брокерлерді және мемлекеттік өкілдерді біріктірген саланың жетекші ойыншыларын жинады. Астана 18 шаршы метрлік бірыңғай стендпен ұсынылды, ол профессор О.Оспановтың хирургия және бариатрия орталығы, көпсалалы Green Clinic, эстетикалық медицина клиникасы Tulip Medicine және стоматологиялық Doctor Dent клиникасымен бірлесіп ұйымдастырылды.

Негізгі конференция аясында елорданың медициналық әлеуеті таныстырылып, шетелдік компаниялармен B2B-кездесулер өткізілді.

Сонымен қатар, «Астана Туризм» туризмді дамыту орталығы Әзербайжанның медициналық және термалды туризмді қолдау қауымдастығымен өзара ынтымақтастық туралы меморандумға қол қойды.

Астананың қатысуы БАҚ-та кеңінен жарияланды, соның ішінде БАӘ-нің ең көне ағылшын тіліндегі күнделікті басылымы — Khaleej Times газетінде. Мақаланың онлайн-нұсқасы www.khaleejtimes.com сайтында қолжетімді, бұл сайтқа 2025 жылдың ақпан айында 11,7 миллионнан астам қолданушы кірген.

Іскерлік бағдарлама аясында сондай-ақ Әбу-Даби қаласының Мәдениет және туризм департаментінің туризм секторының жетекшісі мырза Файсал Ханмен кездесу өтті. Астана өкілдері америкалық Stackpole & Associates, Inc. консалтингтік компаниясының негізін қалаушы және танымал сарапшы Ирвинг Стэкпол ұйымдастырған «Медициналық туризмді жаңғырту: табысқа жету стратегиялары» атты workshop-қа қатысты.

MIMTC 2025 көрмесіне қатысу халықаралық ынтымақтастықты дамыту және Астананың сапалы әрі қолжетімді медицинаның орталығы ретіндегі беделін нығайту жолындағы маңызды қадам болды.