АСТАНАДА ТРАНСПЛАНТАЦИЯ КҮТІП ЖҮРГЕН ПАЦИЕНТТЕРДІ ҚОЛДАУҒА АРНАЛҒАН ЖҮГІРУ ӨТЕДІ

10 тамызда мыңдаған қазақстандық Астанада бүйрек, бауыр, жүрек және өкпе трансплантациясын күтіп жүрген пациенттерді қолдау үшін жиналады. Ресми деректерге сәйкес, бүгінгі күні күту парағында 4 117-ден астам адам бар, олардың қатарында балалар да бар.

Медицина дамығанына қарамастан, трансплантология тақырыбы Қазақстан үшін әлі де өзектілігін сақтап отыр. Республикалық координация және трансплантация орталығының деректері бойынша күту парағында 4 117 адам тіркелген, оның ішінде 96 бала бар. Сонымен қатар, 3,7 мыңнан астам пациент бүйрек трансплантациясына мұқтаж, 342 адам бауыр мен жүрек трансплантациясын күтуде, шамамен 30-ы өкпе алмастыруды күтуде.

Осы маңызды тақырыпқа қоғамның назарын аудару және өмір үшін күресіп жатқан пациенттерді қолдау мақсатында 2018 жылдан бері Астанада Jüregımnıñ Jenımpazy атты жүгіру-фестиваль өтеді. Бірінші веложарысқа 60 адам қатысқан болса, биыл стартқа 5 мың адам шығады: дәрігерлер, донорлар отбасылары, трансплантациядан өткен және күтіп жүрген пациенттер, бизнес өкілдері, мемлекеттік құрылымдар, қалалық тұрғындар және өткен жылдардағы белсенді қатысушылар. 1, 3 және 10 км қашықтықтарды бағындыруға арналған дайындық жаттығулары Ботаникалық бақта басталды және жүгіру күніне дейін, яғни 10 тамызға дейін ашық форматта өткізіледі.

Жаттығуларға қатысушылардың алғашқы қатарында әрі жүгіруге тіркелген реципиенттер бар: жаңа бүйрек алған Анар Шаймергенова және екі жылдан аз уақыт бұрын бауыр трансплантациясынан кейін сәтті қалпына келген Андрей Шелестюк. Бүгінде 44 жастағы ер адам 24 км-ге дейінгі ұзақ қашықтықтарды бағындырады және 51 км таулы-жердегі жүгіруге дайындалып жатыр.

«Мен ешқашан спортпен шұғылданған емеспін. Операциядан кейін және реабилитация кезінде дәрігерлер көп жүруді ұсынды. Сосын одан әрі біртіндеп жүгіруге көштім. Қазір «Die hard» қағидаты бойынша жаттығамын — өз мүмкіндіктерім шегінде, ұзақ қашықтықтарға басымдық беремін. Әр жексенбі 20 километр жүгіріп тұрамын. Бірде-бір жаттығуды жібермеймін. Көптеген жүгірулерге қатысамын, бірақ Jüregımnıñ Jenımpazy мен үшін ең маңыздысы. Мұнда спорттық рекордтар үшін емес, өзіңнің тірі екеніңді және осы күресте жеңгеніңді еске алу үшін жүгіресің. Бұл жүгіру трансплантацияға мұқтаж адамдарға моральдық қолдау береді. Тұрақты күту жағдайында өмір сүру қаншалықты ауыр екенін бәрі түсінбейді. Оқиғаға әр жыл сайын көбірек адамдар қатысады деген үміттемін. Өткен жылы мен ең ұзақ қашықтық ретінде 10 км жүгірдім, биыл оны қайталағым келеді», — деді Андрей Шелестюк.

Бүйрек реципиенті және «Heart Center Foundation» Қоғамдық қорының елшісі Анар Шаймергенова да жүгірудің белсенді қатысушысы болып табылады. Өткен жылы ол 1 км қашықтықты өтті.

«Бұл қашықтықтағы әр қадам мен үшін өткен күндерімді еске түсіреді. Мен процедураларға тәуелді болуды және күту жағдайында өмір сүруді жақсы білемін. Бірақ қолдаудың қаншалықты маңызды екенін де білемін. Бұл жүгіру — сенетіндер үшін, күресетіндер үшін, қасымыздағылар үшін. Егер менің қадамым біреуге үміт сыйласа, онда мен босқа жүгірмеймін», — деп атап өтті ол.

Қордың 8 жылдан бері Jüregımnıñ Jenımpazy ұйымдастырып келе жатқан директорының сөзінше, әр қатысушыға естелік символикалық медаль табысталады. Оның пішіні тасты еске түсіреді — пациенттердің төзімділігін және қатысушылар қалдыратын ізің білдіреді.

«Бұл жай ғана жүгіру емес. Бұл спорттың аясынан шығып, жыл сайын өтетін ірі шара. Оның миссиясы — пациенттерді қолдау және трансплантология мәселесіне қоғамның назарын аударту. Стартқа шыққан әр адам біздің жылдар бойы жүргізіп келе жатқан коммуникациямыздың бір бөлігіне айналады. Жүгірудің жыл сайын кеңейіп жатқаны оның тиімділігін дәлелдейді. Жоба елімізде трансплантологияны дамытудың қажеттігі туралы диалог құруға бағытталған толыққанды әрі нәтижелі құралға айналып келеді», — деді Мұрат Зауыров.

Jüregımnıñ Jenımpazy қордың негізгі жобаларының бірі болып табылады. Қордың негізгі қызметі — Қазақстанда кардиохирургия, кардиология және трансплантология салаларын ағартушылық және білім беру жобалары арқылы, сондай-ақ дәрігерлердің кәсіби дамуын және ғылыми жобаларды қолдауды қамтамасыз ету арқылы дамыту. Трансплантология бағытындағы ірі жобалардың бірі — ALEM атты бірегей жүйені әзірлеу болды, ол Мемлекет басшысына таныстырылды және 2025 жылғы Дүниежүзілік көрмеде (Expo 2025, Осака, Жапония) ұсынылды.

Анықтама: Jüregımnıñ Jenımpazy («СЕН — МЕНІҢ ЖҮРЕГІМНІҢ ЧЕМПИОНЫ!» деген мағынаны білдіреді) 10 тамызда Астанада, ЭКСПО аумағында өтеді. Старт таңғы 7-де. Қатысушы ретінде тіркеліп, өз қашықтығын таңдауға ұйымдастырушының сайтында мүмкіндік бар hcf.kz/ru/events/juregimnin-jenimpazy. Жаттығулар Астананың Ботаникалық бақ аумағында («Дар» ескерткіші маңында) аптасына тұрақты түрде — жұма күні 06:30 және сенбі күні 08:30 сағаттарында өткізіледі.

Ескерту: биыл Jüregımnıñ Jenımpazy жүгіруінің бас демеушісі — Home Credit Bank Kazakhstan

Қосымша сұрақтар бойынша: 8 702 139 09 08

Алина Альбекова, PR Heart Center Foundation

Instagram: https://www.instagram.com/hcf.run/?hl=ru

Telegram: https://t.me/hcflife