2025 жылғы 10–17 ақпан аралығында Қазақстанда Халықаралық балалар қатерлі ісігімен күрес күніне арналған Хабардарлық апталығы өтуде. Акция аясында ел бойынша балалар қатерлі ісігі мәселесі туралы ақпараттық науқан ұйымдастырылып, пациенттердің отбасыларына қолдау көрсету және қоғамда бірлік сезімін дамыту мақсат етілген.

Балалар қатерлі ісігімен күрес апталығын өткізу негізгі мақсаты – педиатр дәрігерлердің, барлық медициналық кәсіби қауымдастықтың, әлеуметтік жауапты азаматтардың балалар онкологиясы мәселелері жөнінде хабардарлығын арттыру, ерте диагностика мен емдеудің маңыздылығы туралы ақпарат тарату және күш біріктіру.

Ерте диагностика үш компоненттен тұрады:

·        Хабардарлық – ата-аналар мен мамандардың уайым тудыратын симптомдарды білуі

·        Дәл диагностика – ауруды уақытында анықтау және сатысын белгілеу

·        Емге қол жеткізу – терапияны дереу бастау.

Дүниежүзілік денсаулық сақтау ұйымының мәліметтері бойынша, жыл сайын әлемде 20 жасқа дейінгі балалар мен жасөспірімдерде 400 мыңнан астам қатерлі ісік жағдайы анықталады. Шамамен 100 мың бала сауығуға мүмкіндік алмайды.

Қазақстан Республикасында жыл сайын орта есеппен 600 балаға алғашқы рет злокачественное новообразование (ЗНО) диагнозы қойылады. Мысалы, 2022 жылы алғаш рет 585 бала онкологиялық ауруға шалдықты.

Негізгі терапия екі ірі республикалық медициналық орталықта жүргізіледі:

·        «Педиатрия және балалар хирургиясы Ғылыми орталығы» АҚ (Алматы қ.)

·        «University Medical Center» корпоративтік қоры (Астана қ.)

Астанада балалар онкологиялық ауруларымен ауыратындарға медициналық көмек көрсету белсенді жүргізілуде. Столикалық медициналық орталықтарда қажетті төсек саны қамтамасыз етілген, жоғары білікті мамандар – балалар онкологтары мен гематологтары жұмыс істейді.

Акиматтар мен ҚР Денсаулық сақтау министрлігінің қолдауымен Астанада орталық көшелерде, LED-экрандарда, медиабордтарда және медициналық ұйымдарда ақпараттық науқан ұйымдастырылды, арнайы видеороликтер көрсетіліп, ерте диагностика, заманауи емдеу әдістері және балаларға әлеуметтік қолдау көрсету маңыздылығы назарға ұсынылады.

Астанада 15 ақпанда бейнежазба «Барыс Арена» МЛД-ның LED-экрандарында күн бойы көрсетіліп, қала тұрғындарының назарын аударады.

Қазақстан бұл жаһандық бастаманы белсенді қолдайды, ал астаналық мамандардың адалдығы, кәсіби сүйіспеншілігі мен жоғары біліктілігі арқасында Астанада хабардарлықты арттыру, медициналық технологияларды дамыту және қоғамның назарын мәселеге аудару бойынша елеулі үлес қосылуда. Дәрігерлер, мемлекет және қоғамның бірлескен күш-жігерінің арқасында балалар толыққанды болашаққа мүмкіндік алады.

Барлық балалар әлемде сау болсын!