Астанада медициналық туризмді дамытуға арналған дөңгелек үстел өтті

26.09.2024

24 қыркүйекте елордада Астана Даму Орталығы ұйымдастырған дөңгелек үстел өтті, оған Астананың медициналық клиникалары мен туроператорларының өкілдері жиналды. Ашық пікірталас форматында өткен іс-шара елордада медициналық туризмді дамыту және оны одан әрі кеңейту жолдарын анықтау мәселелеріне арналды.

Пікірталас барысында шетелдік пациенттерге арналған сервисті жақсарту, медициналық қызметтер маркетингі және тартымды туристік пакеттерді қалыптастыру мәселелері қозғалды.

Кездесуде қатысушылар нарықтың ағымдағы жағдайы туралы пікір алмасты, табысты тәжірибелерімен бөлісті және шетелдік пациенттерді тарту үшін ынтымақтастық жолдарын қарастырды.

Барлық қатысушылар Астананы медициналық туризм саласындағы жетекші бағыттардың бірі ретінде ілгерілету үшін күш-жігерді біріктірудің маңыздылығы туралы ортақ пікірге келді, бұл өз кезегінде шетелдік пациенттердің едәуір санын тартуға және елорданың халықаралық аренадағы имиджін арттыруға көмектеседі.

Іс-шара айтылған бастамаларды іске асыру және барлық мүдделі тараптар арасында ынтымақтастықты орнатуды талқылаумен аяқталды.