2025 жылғы 7 сәуірде Астана қаласындағы Ұлттық жедел медициналық координациялық орталығы базасында Түрік мемлекеттері ұйымына (ТМҰ) мүше елдер арасында жедел медициналық көмек көрсету саласында ынтымақтастық туралы Меморандумға қол қойылды.

Қазақстандағы Жедел медициналық орталық алғаш рет төтенше жағдайлар, пандемиялар, техногендік апаттар кезінде уақытылы медициналық көмек көрсету және өзара әрекеттесу үшін бірегей базалық алаң болады.

Іс-шараға ТМҰ елдерінің денсаулық сақтау министрлері қатысты, бұл бастаманың жоғары деңгейде ынтымақтастыққа және саяси маңыздылығына назар аударады.

Меморандумға қол қою ТМҰ елдері аумағында жедел медициналық көмек көрсету жүйесін дамытуға, кәсіби тәжірибе алмасуға және инновациялық шешімдерді енгізуге маңызды қадам болады. Болашақта төтенше жағдайларда өзара көмек күшейтіліп, түрік мемлекеттерінің денсаулық сақтау жүйелері жаңа даму деңгейіне шығарылады деп жоспарлануда.

«Біздің санитарлық авиация жыл сайын ел ішінде және шетелге науқастарды тасымалдау бойынша 2 мыңнан астам ұшуды жүзеге асырады. Елдің 15 өңірінде тікұшақтар орналастырылған, жыл соңына дейін тағы екі жаңа медициналық авиация тікұшағы жеткізіледі. Бүгін Оңтүстік Кореяға біздің азаматымызды, критикалық жағдайда тұрған науқасты, халықаралық алғашқы ұшуды жоспарлап отырмыз, ол Алматыдағы республикалық клиникаға жеткізіледі. Біздің санавиация көптеген басқа елдерден ерекшеленеді — ол толығымен тегін және шалғай аудандар тұрғындары үшін қолжетімді, мемлекет есебінен жүзеге асырылады, әр ұшудың артында азаматтарымыздың аман қалған өмірлері жатыр», - деп Мемлекеттік құжатқа қол қойғаннан кейін денсаулық сақтау министрі Ақмарал Әлназарова айтты.

Ержан Әділбеков атап өткендей, жедел медициналық орталық алаңы түрік мемлекеттері елдерінің мамандарын бірлескен оқытуды жүргізуге мүмкіндік береді. «Әсіресе, өзбек әріптестермен келісіп, симуляциялық орталығымызда жедел жәрдем дәрігерлерін әлемдік стандарттар бойынша медициналық көмек көрсету дағдыларын оқытатын шеберлік сабақтар өткізуге келістік. Орталығымызда республикалық инсульт орталығы жұмыс істейді, ол инсульт жағдайында науқастарға жедел көмек көрсету қызметін үйлестіреді. Жоспарда акушерлік, токсикологиялық және басқа бағыттар бойынша жедел орталықтарды ашу бар», - деп хабарлады ҰКЖМО басқарушысы.

Іс-шара аясында меморандумға қол қойған елдер атынан келесі өкілдер сөз сөйледі:
• Джалалов Миралам Рәғімұлы — Әзербайжан Республикасы Жедел медициналық және шұғыл көмек республикалық орталығының директоры
• Долонбаева Зуура Абдибайтовна — Қырғыз Республикасы Денсаулық сақтау министрлігінің медициналық білім және ғылым бөлімінің меңгерушісі
• Әділбеков Ержан Боранбайұлы — ҚР Денсаулық сақтау министрлігі Ұлттық жедел медициналық координациялық орталығының Төрағасы
• Дәрігер Битен Азиз Альпер — ЕС және сыртқы істер департаментінің Бас директоры
• Тұлағанов Даврон Бахтиярович — Өзбекстан Республикасы Жедел медициналық көмек ғылыми орталығының бас директоры
Іс-шара қатысушыларына заманауи жабдықтармен қамтамасыз етілген жедел медициналық клиника бөлімшелері, жоғары технологиялық медициналық көмек көрсету мүмкіндіктері, жаңа санитарлық авиация және автокөлік құралдары көрсетілді.

ҰКЖМО – медициналық авиация, жедел жәрдем және қабылдау бөлімшелерінің жұмысын үйлестіретін алдыңғы қатарлы көпфункционалды орталық. Кешенде 250 орындық стационар бар, ол 9 клиникалық орталықтан тұрады: жалпы хирургия департаменті (соның ішінде септикалық), акушерлік департамент, поли-травма департаменті, терапия департаменті, кардиоторакалық хирургия және кардиология департаменті, урология және амбулаториялық хирургия департаменті, жалпы хирургия департаменті, гинекология департаменті, нейрохирургия департаменті, сондай-ақ ЛОР және офтальмология бөлімшелері, 29 медициналық профильді қамтиды.

Ұлттық жедел медициналық координациялық орталығының негізгі қызмет бағыттары: стационарлық көмек, медициналық авиация, клинико-диагностикалық және консультативті-диагностикалық көмек.

ҰКЖМО заманауи медициналық жабдықтармен (256 кесінділі КТ, 3 тесла МРТ, ангио, рентген және УДЗ аппараттары) және 12 операциялық залмен жабдықталған. Сондай-ақ, ауруханада жоғары дәлдік пен визуализациямен операциялар жүргізуге мүмкіндік беретін KINEVO 900 роботтық хирургиялық визуализация жүйесі бар.

Дереккөз: https://www.gov.kz/memleket/entities/dsm/press/news/details/971025?lang=ru