2025 жылғы 7 тамызда Астанада, «Салтанат сарайы» салтанаттар сарайында курортология, медициналық оңалту және сауықтыру туризмі саласындағы Қазақстан мен шетелдің жетекші мамандарын біріктірген X мерейтойлық халықаралық ғылыми-тәжірибелік форум «Шипажай-2025» өтті.

Форумның ресми ашылуына ҚР Денсаулық сақтау министрі Ақмарал Әлназарова, Парламент депутаттары, елорда мен өңірлердің әкімдері, «Astana Tourism» Туризмді дамыту орталығы» ЖШС басшылығы, Еуразиялық медициналық қауымдастықтың өкілдері, сондай-ақ санаторий саласының ардагерлері қатысты.

Форум аясында елдің денсаулық сақтау стратегиясының маңызды элементі болып табылатын санаторий-курорт саласын дамыту мәселелеріне арналған пленарлық сессиялар, конференциялар және дөңгелек үстелдер өтті. Қатысушылар оңалтудың жаңа технологияларын, санаторийлерді денсаулық сақтау жүйесіне интеграциялаудың халықаралық тәжірибесін, медициналық туризмнің мүмкіндіктерін және Қазақстандағы геокурорттарды дамытудың перспективаларын талқылады.

Сауықтыру саласында цифрландыру мен инновациялық шешімдерді енгізу мәселелеріне, сондай-ақ заманауи санаторийлер бағдарламаларындағы дәстүрлі медицинаның рөліне ерекше назар аударылды. Форум қорытындысы бойынша қорытынды резолюция қабылданып, ынтымақтастық туралы меморандумдарға қол қойылды.

Astana Tourism Астананы медициналық туризм мен санаторий-курорттық демалыс орталығы ретінде ілгерілетуге белсенді қатысып, халықтың денсаулығын нығайтуға және ел экономикасын дамытуға үлес қосуда.