Біріккен медициналық туризм ЭКСПО – көрме 16-17 қарашада Астанада үлкен табыспен өтті.

United Medical Tourism Expo – медициналық және сауықтыру туризміндегі әлемдік көшбасшыларды біріктіретін басты салалық іс-шара. Көрмені Қазақстан медициналық туризм қауымдастығының қолдауымен United Expo компаниясы ұйымдастырып отыр.

Көрме денсаулық сақтау саласындағы соңғы жетістіктерді, аурулардың алдын алуды, тиімді емдеуді, сондай-ақ жаһандық медицина секторында қолжетімді соңғы технологиялар мен қызметтерді көрсетеді.

Осы жылдар ішінде Біріккен медициналық туризм ЭКСПО көрмесі қатысушылар мен келушілердің сапалы профилінің арқасында жұртшылық пен денсаулық сақтау қоғамдастығы мүшелерінің сеніміне ие болды. Конференцияға 11 елден 24 сарапшы спикер, 38 медициналық мекеме, сондай-ақ медициналық техника секторының өкілдері қатысты. Екі күн ішінде көрмені 3000-нан астам адам тамашалады.